Менаџерот на Арсенал, Микел Артета изјави дека неговиот тим не се откажал од својата потера за првото место. Синоќа „топчиите“ го победија Ипсвич со 1:0 и се доближија на 6 бода од лидерот Ливерпул, но имаат и натпревар повеќе.
„Имавме огромна доминација во првото полувреме. Тогаш требаше да постигнеме повеќе од еден гол. По паузата не почнавме добро. Да му оддадеме признание на противникот. Тие делуваа многу организирано и беше тешко да се скршат“, изјави Артета и продолжи:
„Со оглед на сите околности кои не придружуваат, вклучувајќи ги и црвените картони и повредите, нашето место не е лошо. Но, не сме таму каде што сакаме да бидеме. Нашата цел е да бидеме први“, додаде тренерот на „топчиите“.
Следните два натпревари на Арсенал во Премиер-лигата се на гости кај Брентфорд и Брајтон.
