Никола Јокиќ јавно кажа дека Џамал Мареј ќе мора да игра многу подобро и успеа. Денвер го победи Детроит со 134:121, а српскиот кошаркар конечно ја имаше поддршката од својот најплатен соиграч. Се разбира тој повторно беше најдобар на теренот, имаше 37 поени, 9 скока и 8 асистенции.
Мареј кој конечно се разбуди постигна 34 поени со 5 скока и 4 асистенции. Кај нив одличен меч имаше Мајкл Портер јуниор со 26 поени и тоа беше доволно за победа. Детроит имаше дури шест двоцифрени играчи, но само Канингем и Ајви постигнаа по 17 поени.
По оваа победа Денвер се најде на шестото место во Западната конференција. Имаат 17 победи и 13 порази и се изедначени со Лос Анџелес Лејкерс. Далеку се од Оклахома и Мемфис на врвот, како и од Хјустон и Далас, но се на една победа од местото кое го држи Лос Анџелес Клиперс.
Резултати:
Атланта – Мајами 120:110
Шарлот – Оклахома 94:106
Вашингтон – Њујорк 132:136 (пр.)
Чикаго – Милвоки 116:111
Голден Стејт – Феникс 109:105
Денвер – Детроит 134:121
Јута – Филаделфија 111:114
Портланд – Далас 126:122
ЛА Лејкерс – Сакраменто 132:122
