Фудбалерите на Ливерпул продолжија со шампионска низа победи во Премиер лигата, откако денеска во мечот од 19. коло славеа убедливо на гостувањето кај Вест Хем со 0:5.
Избраниците на Арне Слот го декласираа Вест Хем и на половина од сезоната со меч помалку водат на табелата со 45 бода. Имаат осум бода повеќе од Нотингем Форест, девет повеќе од Арсенал и десет повеќе од Челзи.
Ливерпул во финишот на првото полувреме постигна три гола преку Луис Диаз, Гакпо и Салах, а подоцна Трент и Жота само ја заверија убедливата победа.
Вест Хем ни оддалеку не беше сериозен противник на момците на Слот, иако во два наврати домашните успеаја да ја погодат рамката од голот на Алисон.
Standings provided by Sofascore
