На крајот на секоја календарска година секој клуб од Премиер лигата мора да достави финансиски извештај за своето работење. Секако, за да не се соочи со санкции, клубот мора да биде во плус што се вели односно да нема загуби во работењето.
Поточно, дали ги исполниле правилата на профит и одржливост во Премиер лигата.
Челзи и Нотингем Форест, како и Евертон и Лестер кои се загрозени со испаѓање, се изложени на потенцијален ризик да им бидат одземени бодови доколку се утврди дека забележале загуби поголеми од максимално дозволените 105 милиони фунти во лигата.
Сите дваесет клуба добија рок до утре, 31. декември да ги предадат своите сметки за периодот 2023-2024 година и откако ќе бидат примени сите, сметководителите на лигата ќе почнат со работа.
Откако минатата сезона на Евертон и Форест им беа одземени бодовите, овие два клуба сега се во исчекување дали истото ќе им се случи и годинава.
