Италијанскиот супер куп утре стартува во Саудиска Арабија, а во првиот дуел, екипите на Јувентус и Милан ќе се борат за финалето и евентуалниот дуел против Интер или пак Аталанта.
На официјалната прес конференција пред мечот, тренерот на Јувентус, Тиаго Мота изјави дека е доста самоуверен пред овој мини турнир и дека знае што неговиот тим може на терен.
„Како тренер сакам да победувам и затоа ја избрав оваа професија, но не сум опседнат со неа. Правам се што можам и морам да го подобрам тимот и да им помогнам на играчите да се снајдат подобро на терен“, изјави шефот на струката на Јуве, па продолжи.
“Мирен сум бидејќи сум уверен во нашата сила, индивидуална и колективна. Нè очекува добар натпревар, ќе се обидеме да бидеме подобри од нив и да се пласираме во финалето. Пласманоттука е супер, имаме намера да одиграме најдобро. Ова не ни е примарна цел сезонава секако, но кога сме веќе тука, но сакаме да победиме“, додаде Мота
