Супер деби на Серџо Консеисао на клупата на Милан. Прв меч како тренер на миланскиот гигант од како пред три дена беше назначен за стратег на тимот и веднаш победа и тоа против Јуве и тоа со 1:2 во полуфиналето на Суперкупот на Италија вечерва во Ријад. Интересно, неговиот син Франциско Консисао остана на клупата за резерви кај клубот од Торино со оглед на тоа дека се повреди на загревање.
Ова значи дека во понеделник во Ријад во финалето на Суперкупот на Италија, ќе гледаме градско дерби на Милано, Милан против Интер кој вчера во првото полуфинале славеше против Аталанта.
Јуве прв дојде во водство со голот на Јилдиз во 21.минута. Јуве беше далеку подобар во оваа фаза од средбата.
Сепак работите се свртеа во продолжение од средбата. Прво Пулишиќ во 71.минута израмни на 1:1, Гати во 76.минута си даде автогол. Интересно Гати во 90+6.минута имаше супер шанса за 2:2, но сепак не успеа да го погоди голот на Милан.
