Новогодишната турнеја „четири скокалници“ продолжи денеска со третата станица во Инсбрук, Австрија, на легендарната скокалница Бергизел. На скокалницата од 120 метри, денеска видовме скокови и од 130 метри, со што ски-скокачите направија вистинска фешта.
На прајот победата му припадна на Австриецот Штефан Крафт со 273,3 поени и скокови од 131,5 и 132,5 метри. Второпласиран беше Јан Херл со 271,9 поени, а трет Даниел Цофениг со 263 поени, па Австријците и денеска имаа хет-трик, по првата станица во Оберстдорф.
Ова беше 45-та победа на Крафт во кариерата и сега се доближува до Мати Никенен кој има 46.
Последната станица е во Бишоксхофен каде ќе има вистинска драма за конечниот победник. Лидер по шест скока е Крафт со 887,1 поен, Херл заостанува за само 0,6, а Цофениг за 1,7 поени.
