Играчот од средниот ред на Манчестер Сити, Кевин Де Брујне изјави дека не е особено загрижен поради фактот што неговиот договор со клубот истекува на крајот од сезоната. Засега иднината на 33-годишниот Белгиец не е решена и не е јасно дали ќе остане на „Етихад“. Сепак, тој изјави дека оваа тема не му е на дневен ред, бидејќи единственото нешто што е најважно е да се врати во најдобрата форма.
“Во моментов тоа не ме интересира. Сега се обидувам да се вратам во најдобрата форма. Ми се чини дека се подобрувам со секоја измината недела. Во однос на мојата физичка кондиција, се чувствувам подобро. Последните неколку месеци беа прилично непријатни поради повредата што ја имав, но сега се чувствувам подобро, играм подобро и тоа е единственото нешто што ме возбудува“, изјави Де Брујне по победата над Вест Хем од 4:1.
Се чини дека Белгиецот навистина почнува да ја наоѓа својата форма, добива се повеќе минутажа на теренот во последните натпревари, постигнувајќи 1 гол и 2 асистенции.
