Некогашниот македонски младински репрезентативец, Диме Димов е нов играч на тимот Персебаја во Индонезија. Сега веќе екс-играчот на Локо Софија заминува во оваа егзотична фудбалска дестинација каде што ја продолжува својата интернационална кариера.
Зимава тој одлучи да ја напушти Бугарија, беше во потрага по нова средина, а имаше понуди од повеќето македонски прволигаши. Искусниот стопер можеше да биде дел од водечките македонски тимови, но желбата да ја продолжи интернационалната кариера беше пресудна.
