Некогашниот фудбалер на Манчестер Ј., Рој Кин во анализата на дербито на „Енфилд“ го пофали настапот на Манчестер Јунајтед
„Манчестер Јунајтед започна да игра. Тие покажаа одреден ентузијазам. Неодамна тоа го направија и против Манчестер Сити. Сепак, може да кажеме дека во Манчестер Јунајтед не можат само да избираат кога сакаат да играат. Мислам дека никој не можеше да замисли дека денеска ќе постигнат два и за малку ќе слават. Но, важно е дека мора да го консолидираат“, изјави поранешниот играч на „црвените ѓаволи“.
Во својата анализа, Кин, имаше жестоки критики за играта на Трент Александар-Арнолд.
„Одбраната на Трент беше ужасна денес. Зборуваме за негово заминување во Реал Мадрид, но со оваа игра денеска, тој може да оди во Транмере Роверс“, вели Кин.
