Бобан Бабунски уште не седнат на кормилото на Беса си замина од тимот. Како што објавија од клубот, Бабунски нема да биде нов тренер на прволигашот, поради несогласување со управата.
„Бобан Бабунски, кој беше назначен за нов тренер на тимот, нема да го преземе тимот. По несогласувањето и промена на ставот од страна на тренерот во врска со условите кои ги договоривме, клубот одлучи да ја прекине соработката. Екипата со подготвителна фаза ќе стартува на 10 јануари 2025 година!“, се вели во клупското соопштение.
