Винисиус Жуниор иако е одличен, фантастичен фудбалер сепак не е миленик на фановите нво светот на фудбалот. Се чини дека освен оние фанови на Реал Мадрид и репрезентацијата на Бразил, никој не го “мириса“ овој напаѓач. Можеби со причина, ако се знае како Вини се однесува за време на натпреварите, кога знае да провоцира па и да удира противнички играчи, а тоа најубаво го почувствува нашиот Столе Димитриевски пред неколку денови на средбата меѓу Валенсија и Реал Мадрид.
Инаку познато е дека Вини во минатото имаше дуели и со дефанзивецот на Мајорка, Пабло Мафео кој пак деновиве во еден подкаст си кажа што мисли за Бразилецот:
„Ако се најдеме во рингот, тогаш тоа ќе биде најгледан боксерски меч во историјата. И верувајте, ќе го нокаутирам Винисиус за 10 секунди. Нема сомневање кој ќе биде победник на тој бокс меч“ истакна Мафео и со тоа ја загреа атмосферата пред дуелот меѓу Реал Мадрид и Мајорка во рамките на полуфиналето на Суперкупот на Шпанија.
Foto Marca
