Јасно е дека оваа информација е смешка, но сепак деновиве го обиколи светот и еден клуб од најсиромашната земја во Европа, а тој е Дачија од Молдавија, стана барем за момент популарен.
Откако се шпекулираше со тоа дека Кристијано Роналдо сака да си оди од Ал Наср и да потпише за Ал Хилал, па потоа дека му се нудел на ПСЖ, молдавскиот клуб и официјално му испратил понуда на Португалецот во која стои дека му се нуди се што сака, само да не бара пари.
Имено му се нуди раководно место во клубот или да биде амбасадор на Дачија кога ќе заврши со кариерата, потоа да биде дел од раководството на младинската академија на клубот како и од раководните структури на Дачија.
Некои велат добро е што не му побарале да ги плаќа и трошоците на Дачија.
Сепак, понуда си е понуда, без разлика каква е и дали Роналдо ќе ја прифати или не.
Кога сме кај Дачија да кажеме дека во 2017 година во 1.квалификациско коло во ЛЕ, овој молдавски тим беше прегазен од нашата Шкендија.
