Фудбалерите на Реал Мадрид ја совладаа екипата на Мајорка со 3:0 во полуфиналето на шпанскиот Суперкуп кое се одигра вечерва во Ријад. Избраниците на Карло Анчелоти се пласираа во финалето и закажаа дерби дуел со вечниот ривал Барселона.
Во првото полувреме немаше многу шанси и двете екипи заминаа на одмор без постигнат гол. Фудбалерите на Мајорка играа дефанзивно и многу претпазливо со цел да задржат нерешен резултат за натпреварот евентуално да замине во пенал серија. Сепак ѕвездениот тим на Реал не дозволи никакво изненадување и Џуд Белингем го постигна првиот погодок во 63-тата минута. Во финишот на дуелот Ваљент си постигна автогол во 92-та минута, а во 95-тата минута Родриго ги постави конечните 3:0.
