Дефанзивецот на Манчестер Јунајтед, Хари Мегваер, доби забрана за возење во траење од 56 дена и му беше наложено да плати 1.052 фунти, откако призна дека возел со брзина од 136 км/ч во ограничување од 50км на час.
31-годишникот беше фатен како брзо се движеше двапати во рок од три дена минатиот март, објави Судот на Болтон.
Мегваер не се појави на изрекувањето на пресудата, но во негово име се појави неговиот адвокат. Судот беше известен дека англискиот репрезентативец бил фатен на камера како вози со својот Ренџ Ровер со 85 км на час во тунел под пистата на аеродромот во Манчестер на 5 март минатата година. Играчот се изјасни за виновен и за прекршокот на 2 октомври.
