Македонската ракометна репрезентација ја делат пет дена до стартот на Светското првенство, пет дена до првиот меч против Унгарија (15.01/20:30 часот). Главна база за сите македонски фанови ќе биде Вараждин Арена, добро познато место. Тука пред многу години нашите ракометари играа како пред домашна публика.
Нашите ракометари очекуваат на трибините на доминира „црвено-жолтата“ боја.
„Ајде сите заедно да ја покажеме нашата страст кон ракометот, кон спортот број 1 во нашата држава“, е порака од нашите момци.
Македонија на СП ќе игра уште против Холандија и Гвинеја. Првите три репрезентации од секоја група ќе се пласираат во главната фаза.
