Екипата на Тиквеш, заедно со Вардар се најактивните на зимскиот трансфер пазар. Едноставо, во Кавадарци се решени напролет да изгледаат сосема поинаку отколку досега, па носат засилувања кои што очигледно ќе прават разлика.
По Арби Воша и Даниел Миловановиќ, денеска во Кавадарци е претставен и интернационалецот од Хрватска, Филип Михаљевиќ, кој што Спортспорт го најави како засилување уште пред два дена.
Тоа е играч кој што е роден во Загреб, а покрај другите клубови, во својата кариера бил член и на Динамо Загреб, Локомотива, Широки, Видзев Лоџ, Славен Белупо, Локо Пловдив, последен клуб му бил ГОШК Габела.
Во него Тиквеш гледа решение за неефикасноста сезонава, а Кавадарчани го реновираат комплетно навалниот ред носејќи неколку офанзивци.
