Неколку денови наназад наголемо се шпекулираше со можниот трансфер на Маркус Рашфорд во Милан. Факт е дека напаѓачот на Манчестер Јунајтед и репрезентацијата на Англија не е во плановите на Рубен Аморим, па затоа тој ќе си оди од “Олд Трафорд“. Само уште не се знае дали тоа ќе биде класичен трансфер или пак позајмица.
За тоа какви се шансите Рашфорд да дојде во Милан, свој коментар имаше Златан Ибрахимовиќ, еден од раководните лица на клубот од Милано:
“Добро го познавам Маркус. Пред неколку години заедно игравме во Манчестер Јунајтед. Милан е еден од најголемите клубови во светот, сите сакаат да играат во нашиот клуб. Не е лесно да се пронајде заеднички јазик со Јунајтед, допрва ќе видиме дали ќе почнеме преговори или не“ кус беше Златан.
