Во НБА-лига се одиграа само четири меча. Мемфис Гризлис ја совладаа Минесота Тимбервулфс со 127:125 со кошот на Џо Морант и го задржаа третото место на Западот по возбудливото гостување, во кое двата тима 25 пати го разменија водството.
Кошот на Морант на 18 секунди до крајот во Минеаполис реши исклучително возбудлив натпревар во корист на Мемфис Гризлис. Морант постигна само 12 поени, но и најважниот кош за победата.
TWO CRAZY JA BUCKETS IN THE FINAL MINUTE WIN IT FOR MEMPHIS 🍿🍿🍿 pic.twitter.com/RaidlrQC98
— NBA (@NBA) January 12, 2025
Џексон со 33 поени го предводеше победничкиот тим, на другата страна ДиВиченцо имаше 27 поени и 10 скока.
Резултати: Феникс – Јута 114-106, Детроит – Торонто 123-114, Минесота – Мемфис 125-127 и Портланд – Мајами 98-119.
