Само што почнаа со зимските подготовки и веднаш проблеми. Имено снегот кој и тоа како наврна во Македонија, им зададе големи проблеми на нашите прволигаши. Ова фото е направено од утринскиот тренинг на Вардар, се гледа дека снегот на еден од терените на тренинг центарот на нашиот најтрофеен клуб, го отежнува одработувањето на тренингот замислен од стратегот Гоце Седлоски.
Исто е, ако не и полошо, барем според информациите од клубовите, и во Струга, Кратово, Тетово, Кавадарци, Гостивар…секаде каде што се одвиваат подготовките на клубовите. Некои од нив денеска си закажале слободен ден кога виделе дека по снег е невозможно да се работи. Очигледно е дека така ќе биде се до заминувањето во Турција, Хрватска… каде клубовите ќе ја одработуваат најважната фаза во текот на овие подготовки.
