Менаџерот на Манчестер Сити, Пеп Гвардиола, уште еднаш имаше забелешки за своите фудбалери и по победата од 8-0 над Салфорд во ФА Купот. Сепак, тој призна дека овој успех може да биде добар за самодовербата и расположението на играчите. Згора на тоа, „граѓаните“ немаат три последователни победи од октомври.
“Тоа е само еден натпревар, но не можам да негирам дека ни требаат победи. Ова е трет по ред. Се разбира, има уште многу да се посакува. Не е тајна дека имаме сериозен проблем во дефанзивната четворка. Но, на овој натпревар сите беа неверојатни и постигнавме многу голови. Тоа не се случило долго време. Ни требаше такво нешто за да го подигнеме нашиот дух и да ги направиме среќни навивачите. Но сега ни претстојат навистина тешки натпревари во следните неколку дена“, рече Гвардиола.
Еден од хероите на натпреварот беше Џејмс Мекати, кој постигна хет трик. Сепак, Гвардиола рече дека очекува повеќе од младиот играч.
„Не дека не сум среќен што постигна хет-трик – не е лесно – но може да игра подобро. Тоа не беше неговиот најдобар настап. Но, тој е неверојатен млад човек кој има голем талент и неговата работна етика е неверојатна“, додаде Шпанецот
