Екипата на Кожуф од Гевгелија денеска и официјално ги стартуваше подготовките со новиот тренер, Славчо Георгиевски. Некогашниот македонски репрезентативец и интернационалец седнува на клупата на второлигашот откако досегашниот стратег Филип Деспотовски зимава си замина од таму.
Георгиевски последен пат беше дел од тимот на Скопје, а во кариерата главно работеше со младинските категории во повеќе клубови каде што имаше исклучителен успех.
Токму затоа работата во Кожуф ќе му биде позната затоа што гевгеличани во составот имаат доста млади фудбалери.
