Монца на свој терен во рамките на 20.коло во Серија А, вечерва успеа со 2:1 да ја победи Фиорентина. Секако дека ова е изненадувачки резултат ако се знае дека и покрај оваа победа, тимот на Монца се наоѓа на последното место на табелата. Ова е само втор триумф на овој тим и тоа по 11 средби и прва победа на свој терен уште од март 2024 година.
Чиуриа во 44.минута донесе водство на Монца, Даниел Малдини во 63.минута зголеми на 2:0. Белтран во 74.минута намали за конечни 2:1.
Со овие три бода Монца сега има 13 бодови, со кои и натаму е “фенерџија“, но сега е само на -6 од местото кое значи спас.
Фиорентина и натаму е шеста на табелата со 32 бода.
