Кошарката се врати во Лос Анџелес, ама Лејкерси беа поразени дома од Сан Антонио. Познато е што се случувааше и се случува во тој град во САД, одложени беа неколку натпревари, како и на ЛА Клиперс, но утринава Леброн и компанија беа поразени од Спарси со 102:126. Кај победничкиот тим Вембањама постигна 23 поени, имаше и осум скокови. Сосема солидно издание на младиот центар.
Дејвис кај домашните забележа 30 поени и 13 скокови, но и тоа не беше доволно. Додека Леброн Џејмс застана на 18 поени, 5 скокови и 8 асистенции, веројатно скромно за него.
На останатите мечеви Минесота го победи Вашингтон со 120:106, фантастичен беше Едвардс со 41 поени во победничкиот состав. Детроит славеше на мечот со Њујорк со 124:119, Канингам со 36 поени беше најефикасен кај Пистонси и воопшто на мечот. Торонто успеа да го победи Голден Стејт со 104:101, Кари забележа 26 поени, но и тоа не беше доволно да се избегне поразот.
Хјустон беше подобар од Мемфис со 120:118, Грин кај победничкиот состав дојде до 42 поени и во последниот меч од ноќешната програма, ЛА Клиперс го победи тимот на Мајами со 109:98.
