Македонската ракометна репрезентација го одработи последниот тренинг пред стартот на Светското првенство. Кирил Лазаров и неговите момци тренираа во малата сала во Вараждин Арена, го направија последниот договор пред утрешниот дуел со Унгарија (20:30 часот).
Нашите момци едвај го чекаат стартот на Мундијалот. Иако на првиот меч ќе ги одмерат силите со големиот фаворит во нашата група Д, сепак не губат надеж, сакаат да го покажат најдоброто, па и да изненадат доколку им се укаже шанса.
