Норвешка – Бразил 26:29? Па кој ли само можеше ова да го претпостави. Бразилците направија чудо против големиот фаворит и домаќин на ова СП. Одиграа екстра, одиграа навистина за пофалба и на крајот заслужено се радуваа на големата победа.
Лангаро со седум голови и Монте со шест, беа предвидници на оваа чудесна победа на селекцијата од Ј. Америка.
Германија во дербито на денот славеше против Полска со 35:28. Познато е дека оваа средба беше судена од нашите Славе Николов и Ѓорѓи Начевски.
И во третиот меч вечерва од вториот натпреварувачки ден, домашната селекција на Хрватска, во Арената во Загреб успеа да го декласира Бахреин со 36:22.
