По завршување на првото коло на Светското првенство, ИХФ ја објави индивидуалната статистика, а тука на врвот се македонските ракометари, кои одиграа одличен меч против Унгарија, реми (27-27) за кое не сонувавме.
Капитенот Филип Кузмановски е на врвот на листата на стрелци, постигна 10 гола од 16 обиди. Тој беше прогласен за најкорисен ракометар на дуелот со Унгарија. На врвот на овој поредок е Матијас Гитсел со ист број на погодоци.
На врвот на листата се наоѓа и Никола Костески. Десното крило на нашата репрезентација има три украдени топки и тоа го стави на делба на првото место со Данецот, Арнолдсен.
