Вечерва се одиграа уште четири натпревари од тертиот ден на СП 2025. Очекувано светскиот првак, селекцијата на Данска беше убедлива против Тунис и успеа да победи со 32:21. Ова беше втора победа на Данците во прелиминарната рунда во групата- Б, па така заедно со Италија се пласира во следната фаза.
Гидсел со 9 голови беше најефикасен на сребата.
Исто така пласман во главната рунда се пласира и селекцијата на Австрија која вечерва во меч од 2.коло во групата – Ц славеше против Катар со 28:26. Од оваа група во следната фаза е и Франција, а меѓусебниот дуел меѓу Кувајт и Катар ќе одлучи кој ќе биде третиот патник во главната рунда. Оваа група за нас е интересна зошто се “вкрстува“ со групата – Д во која е и Македонија.
Ако се биде како што планираме, тогаш четата на Кире Лазаров во следната фаза ќе игра со овие две селекции и со Катар или Кувајт.
На останатите два меча, Шведска во својот прв меч на Мундијалот немаше никакви проблеми против Јапонија и дојде до стартен триумф од 39:21. Додека Исланд беше подобар од селекцијата на Зеленортските острови со 34:21. И ова беше прв меч на СП за овие две селекции.
