Менаџерот на Арсенал, Микаел Артета верува дека Арсенал ќе се бори за титулата во Премиер лигата до крајот на сезоната. Вчера „топчиите“ го победија Тотенхем со 2:1 во 21. коло од Премиер лигата и му се доближија на лидерот Ливерпул на 4 бода, но имаат одиграно еден натпревар повеќе.
„Сè уште сме во трка за титулата. Има многу да се бориме, но гледаме колку е тешко секој тим да победи. Овој резултат ни овозможува да уживаме во моментот, а сега се подготвуваме за следниот натпревар. Многу сум горд на тимот, мислам дека сме неверојатни“, изјави тренерот на Арсенал.
Следниот меч за Арсенал е против екипата на Астон Вила веќе в сабота.
