Денеска се одиграа осум средби на Мундијалот. Македонија бепе поразена од Холандија со 37:32 во вториот настап на нашите момци на ова СП. Со оваа победа Холандија и дефинитивно се пласира во следнаа фаза.
Тоа истото го направи и Унгарија која вечерва, исто така во меч од нашата група Д, просто ја “збриша“ Гвинеја со 35:18 и со тоа оствари пласман во главната рунда.
Сега на потег Македонија која во недела би требало да слави против селекцијата од Африка и таа да се најде таму каде што сите посакуваме.
Во вечерашниот термин од 20:30 часот..
Норвешка не дозволи нов катастрофален кикс. Овојпат Норвежаните ја декласираа селекцијата на САД со 33:17, ама и треба уште некој бод за да оди натаму во таа група Е.
Хрватска како домаќин уште еднаш ја искажа сета своја класа и успеа да дојде до втората победа во својот втор настап. Лесни, убедливи 33:18 и ставање печат на пласманот во главната рунда за Хрватска.
Во супер интересен меч, Германија славеше против Швајцарија со 31:29 и со тоа и дефинитивно се пласира во следната фаза.
Претходно во терминот од 18 часот, освен мечот Македонија – Холандија, се одиграа и уште три меча. Египет славеше против Бахреин со 35:24 и по две кола се најде во следната фаза. Чешка и Полска одиграа без победник 19:19. Додека Португалија го победи Бразил со 30:26, сосема доволно и оваа селекција да оди натаму.
