Оле Гунар Солскјер е нов тренер на турски Бешикташ. Според Фабрицио Романо, договорот на Норвежанецот со турскиот гигнат е до 2026 година. Норвешкиот тренер пристигна во Истанбул, каде што беше пречекан од раководството на клубот. Солскјер разговараше и со новинарите пред да го напушти аеродромот.
„Многу сум задоволен што сум овде. Одлично е што толку многу луѓе се собраа во овој прекрасен клуб. Ги имавме првите средби. Со нетрпение очекувам да започнам со мојата работа“, рекол Солскјаер.
По 18 кола во турското првенство, Бешикташ е на шестото место со 20 бода помалку од водечкиот Галатасарај. Солскјер е без тренерска работа по неговото отпуштање од Манчестер Јунајтед во 2021 година.
