Холандија е вториот противник на македонската ракометна репрезентација на Светското првенство. Ова е уште една селекција која е фаворит во нашата група. Холандските ракометари имаа полесна задача на отварањето на Мундијалот, без проблем го совладаа дебитантот Гвинеја.
Иако во Краков пред две години доминираа во пресметката со Македонија, сепак гледаат поинаку на нашата репрезентација.
„Добро беше што отворивме така лесно и рутински. Секогаш е незгодно на првите средби, особено против селекции кои се дебитанти на големи натпреварувања, но ние почнавме фуриозно од почетокот, создадовме добра предност и тоа ни овозможи полесно да го финишираме мечот. Знаеме дека нема да биде лесно против Македонија и едно е сигурно – многу ја почитуваме вашата репрезентација и сигурно нема да ја потцениме. Пред две години бевме изненадени колку лесно победивме во Краков, но знаеме дека тоа нема да биде случај овде во Вараждин“, ни изјави Барт Равенсберген.
Натпреварот меѓу Македонија и Унгарија е закажан со почеток во 18 часот.
