Македонската машка ракометна репрезентација ги прави последните подготовки пред утрешниот дуел со Гвинеја за пласман во главната рунда на Светското првенство. Ова е противник кого планиравме да го победиме уште пред стартот на Мундијалот.
Иако Кирил Лазаров и неговите избраници зад себе имаат два тешки меча, ремито со Унгарија и поразот од Холандија, сепак нема да калкулираат, ќе одат максимално против дебитантот на СП.
„Натпреварот со Гвинеја ни е од круцијално значење. Мораме да се мобилизираме и да го добиеме натпреварот. Нема да калкулираме воопшто, победата ни е потребна за пласман во втор круг. Можеби сме фаворити на хартија, но со оглед дека имавме две тешки и исцрпувачки дуели, очекувам тежок натпревар”, изјави Лазаров.
Натпреварот меѓу Македонија и Гвинеја е закажан со почеток во 18 часот.
