Екипата на Струга ТЛ замина на подготовки во Анталија. По стартот на истите во домашна атмосфера, Стружани стандардно заминаа во фудбалската „мека“ за овој дел од годината за да го одработат главниот дел од подготовките.
Екипата која што и сезонава е главен претендент за титулата во ПМФЛ шампионатот, немаше преголема активност на трансфер пазарот во овој преоден рок. Реално немаше ниту потреба затоа што тимот одлично функционираше есеноска.
Доведени беа интернационалецот од Сенегал, Папе Фал, како и младинецот Хамза Меметриза.
