Тренерот на Барселона, Ханси Флик, зборуваше по ремито 1-1 на Барселона против Гетафе во 20. коло од шпанската Ла Лига.
„Сакавме да победиме и имавме прилика да го сториме тоа. Разочарани сме што не постигнавме повеќе голови. Можете да видите што значи да се игра овде, на теренот на Гетафе. Добро се бранат. Создадовме шанси, но не бевме прецизни“, изјави Флик.
Тренерот на Блауграна изјави дека на неговите играчи им треба поголема прецизност.
„Мораме да одиме напред. Повторувам дека имавме шанси, особено во првото полувреме. Но, мислам дека ни недостигаше прецизност при додавањето“, додаде Флик.
Специјалистот зборуваше и за навивачите на Гетафе, кои повеќепати ја преминаа границата на добри манири, па дури во еден момент од натпреварот си дозволија расизам.
„Овој стадион бурно реагира на секој контакт. Никогаш не сум доживеал вакво нешто. Ова е незамисливо, за ова нема место ниту во фудбалот, ниту во животот. Овие луѓе треба да останат дома и ние треба да се бориме против ова. Оние блиски до нив треба да направат нешто бидејќи тоа е неправедно и непочитување“, рече Флик.
