Марко Кизиќ доби шанса вечерва од селекторот Лазаров и на прекрасен начин ја искористи. Нашиот голман во победата со Гвинеја учествуваше со 15 одбрани. Секоја чест за Марко, кој по мечот истакна:
“Одличен натпревар. Мислам дека малку на почетокот, ете беше така, ама ова ми е прв старт. Малку на почетокот како да бев во грч. Но како што одминуваше времето тоа ме пушти, тука беше и поддршката од трибините што секако дека добро ми дојде. Потоа влеговме во ритам и одигравме одличен меч. Навистина беше уживање да се игра во ваква атмосфера, им благодарам на сите што дојдоа“, изјави Кизиќ.
Се чини дека и дефинитивно се покажа дека селекторот Кире Лазаров и тоа како може да смета на Кизиќ во главната рунда. Се разбира дека прв голман е Никола Митревски, но и Марко си ги искажува сите свои квалитети.
