Италијанскиот тенисер Јаник Синер се пласираше во четвртфиналето на Отвореното првенство на Австралија, откако денеска во Мелбурн во осминафиналето го совлада 13-от светски играч Данецот Холгер Руне во четири сета со 6:3, 3:6, 6. :3, 6:2.
Натпреварот траеше три часа и пет минути.
Синер, кој е бранител на трофејот запиша 14 асови, додека Руне освои пет поени директно од сервис. Во четвртфиналето Италијанецотќе игра против победникот од дуелот меѓу осмопласираниот во светот, Австралиецот Алекс де Минор и 42. светски тенисер Американецот Алекс Микелсен.
Уште еден Италијанец е во четвртфиналето, откако утрово и Сонего во четири сета беше подобар од Американецот Тиен.
Кај дамите, Американката Кејс со 2:1 во сетови ја совлада Рибакина од Казахстан, додека Свитолина во два сета беше подобра од Кудерметова за место во четвртфиналето.
