Првиот пријателски дуел на една македонска екипа која што се наоѓа на подготовки во Анталија зимава заврши предмалку. Тимот на Струга ТЛ одигра 0:0 против екипата на унгарски Дебрецен.
Во меч во кој играта може слободно да се оцени како рамноправна, и двата тима искористија поголем дел од своите расположливи сили во насока да се увиди моменталната физичка подготовка и форма.
Секако, сеуште сме што се вели на почетокот на подготовките, сега доаѓа оној вистинскиот дел во кој противниците во Анталија ќе дадат јасна слика за нашите екипи со што располагаат пред стартот на пролетната полусезона.
