Македонската ракометна репрезентација против Австрија (15:30 часот) ја отвара главната рунда на Светското првенство. Добра вест за селекторот Кирил Лазаров е враќањето на Марко Митев во составот, кој поради повреда не настапи на мечот со Гвинеја.
Но, предводникот на нашиот национален тим пак има проблеми во составот ќе го нема Томислав Јагуриновски поради здравствени проблеми, а шансата за деби ќе ја чека Александар Петковски, кој до сега не се најде на конечниот список.
И натаму својата шанса ќе ја чека младиот голман Иван Галевски, а во составот го нема Валентин Карасманакис, кој настапи против Гвинеја.
