Следен противник на македонската ракометна репрезентација во главната рунда е Катар, тим кој е предводен од некогашниот селектор, Веселин Вујовиќ. Катарците денеска немаа среќа против Холандија примија гол во последната секунда и бе поразени со 38-37.
Вујовиќ по мечот беше отворен за македонските медиуми. И даде предност на Македонија поради нивниот голем мотив.
„Морам да кажам дека ја пратам репрезентацијата на Македонија долго време, на ова првенство направи еден гол чекор, системот на кој играат и начинот на кој се борат е навистина Можеби Кире можеше да повика подобри играчи од овие кои се тука, но се одлучи за перспективни. Имаат една голема мотивација, се борат. Не им беше лесно против Австрија денеска која игра одлично „седум на шест“ со голема дсициплина.
Мене ми останува прво да го опоравам тимот и физички и псисхички, сосема е друго кога Кузмановски дава гол од 15 метри и кога ќе примиш гол. Нема да биде лесен меч, мислам дека имам играчи кои можат да играт добра одбрана против Македонија. Не сакам да го прогнозирам победникот, но ако треба да го сторам тоа, би и дал предност на Македонија поради мотивацијата и младоста. Ние ќе се трудиме да го дадеме максиумот за да дојдеме до победа, ако тоа е доволно добро, ако не ќе им честитам на Македонците, кои мислам дека имаат шанси за поголеми работи“, изјави Вујо.
Тој го искоментира моментот на празна сала, како и долгото патување до Вараждин Арена.
„Ако кажам нешто ќе ме казнат 5.000 евра, тие не мислат на ништо освен на пари“.
