Фудбалерите на Ливерпул ја запишаа и седмата победа во лигашкиот дел од Лигата на шампионите и убедливо го потврдија првото место на табелата. Вечерва на „Енфилд“, „црвените“ со 2:1 го совладаа француски Лил и потврдија дека во моментов се најдобриот состав во најсилното европско натпреварување.
Салах го отвори резултатот во 34. минута, по што гостите во вториот дел останаа со играч помалку по исклучувањето на манди. Сепак, Дејвид со гол во 62. минута израмни на 1:1, но само пет минути подоцна Елиот го врати Ливерпул во водство и победа од 2:1.
Неверојатен меч видовме вечерва во Лисабон. Бенфика дозволи да ги загуби сите три бода на дуелот со Барселона, иако водеше и со 3:1 и со 4:2, а на крајот со голот на Рафиња во 95. минута, Каталонците направија целосен пресврт и дојдоа до победа од 4:5. Овој триумф го носи тимот на Ханси Флик на второто место на табелата.
Атлетико (М) со голем пресврт и два гола на Хулиан Алварез славеше против Баер (Л) со 2:1. Голем пресврт направи и Болоња за прва победа во Лигата на шампионите. Италијанците вечерва на домашен терен со 2:1 го совладаа кандидатот за ТОП 8, Борусија (Д), со 2:1.
Црвена Звезда во Белград одигра очајно прво полувреме против ПСВ и прими три гола (0:3), а во вториот дел да се врати со два погодока за 2:3, но немаше сили и за трет погодок. Штутгарт победи во Братислава.
Атлетико Мадрид – Баер (Л) 2:1
0:1 Пјеро Хинкапи 45′, 1:1 Јулијан Алварез 53′, 2:1 Јулијан Алварез 90′
Бенфика – Барселона 4:5
1:0 Вангелис Павлидис 2′, 1:1 Роберт Левандовски 13′ (пенал), 2:1 Вангелис Павлидис 23′, 3:1 Вангелис Павлидис 30′ (пенал), 3:2 Рафиња 64′, 4:2 Роналд Араухо 68′ (а.), 4:3 Роберт Левандовски 77 (пенал), 4:4 Ерик Гарсија 87′, 4:5 Рафиња 90+5’
Болоња – Борусија (Д) 2:1
0:1 Серху Гираси 15′ (пенал), 1:1 Далинга 71′, 2:1 Семјуел Илинг 72′
Бриж – Јувентус 0:0
Црвена Звезда – ПСВ 2:3
0:1 Лук де Јонг 17′, 0:2 Лук де Јонг 24′, 0:3 Рајан Фламинго 43′, 1:3 Шериф Ндијаје 71′, 2:3 Насер Џига 77′
Ливерпул – Лил 2:1
1:0 Мохамед Салах 34′, 1:1 Џонатан Дејвид 62′, 2:1 Харви Елиот 67′
Слован – Штутгарт 1:3
0:1 Левелинг 8′, 0:2 Левелинг 37′, 1:2 Мецоко 85′, 1:3 Фабијан Ридер 87′
