Никола Матлиески е нов шеф на стручниот штаб на Пролет, откако раководството на нашиот клуб се реши за ангажман на добро познато име на клупата, по шокантната смрт на Александар Јовиќ.
Матлиески е тренер што многу добро го познава Пролет, тој седеше на клупата на овој тим од 2017 до 2021 година, кога си замина, а на негово место пристигна Зоран Кастраовиќ. Со Матлиески на клупата, Пролет го освои третото место, што е најдобар пласман од формирањето на Супер-лигата.
Тој потпиша долгорочен договор со Пролет, по што синоќа го одржа и првиот тренинг со екипата. Него го очекува учество во плејаут, зацртана цел е опстанокот да биде рутински осигуран.
