Она што е сигурно е дека Јанис Адетокумбо оваа сезона ќе ја заврши во Милвоки, но се уште е неизвесно каде ќе ја продолжи кариерата.
Тој беше играч на неделата на Истокот во НБА, а дали тој ќе остане ќе зависи од бројни фактори. Еден од тие фактори би можел да биде надворешен, а тоа е интересот на Голден Стејт Вориорс.
Како што пренесува ESPN, Голден Стејт внимателно ја следи ситуацијата и и покрај финансиските тешкотии, тие сакаат уште една суперѕвезда во тимот.
Стеф Кари е веќе во тимот и заработува неверојатни 56 милиони долари годишно, додека грчкиот кошаркар има 49 милиони долари, а две такви суперѕвезди ќе бараат откажување од некои квалитетни играчи.
Оваа сезона Јанис има 31,5 поени по натпревар, како и 12 скока и 6 асистенции.
