Луда ноќ во Париз со среќен крај за ПСЖ на мечот против Манчестер Сити. Во големото дерби на 7. коло од Лигата на шампионитем францускиот го победи англискиот шампион со 4:2 во меч во кој видовме шест гола во второто полувреме и еден од најголемите пресврти сезонава на меч од ЛШ.
Манчестер Сити на стартот на вториот дел со головите на Грилиш (50′) и Халанд (53′) брзо поведе со 0:2 и кога се чинеше дека се оди во нивна полза, домашните најдоа сили за комплетен пресврт. Дембеле во 56. минута намали на 1:2, а во 65. минута Баркола погоди и за 2:2. Комплетниот пресврт се случи во 78. минута кога Жоао Невеш погоди и за 3:2. До крајот ПСЖ погоди уште двапати, првиот пат од офсајд, а во самиот финиш на судиското продолжение голот на Гонзало Рамос беше признат за конечни 4:2.
Реал (М) го прегази Салцбург со 5:1 со по два гола на Винисиус и Родриго и еден на Мбапе. Арсенал со сигурни 3:0 ги освои бодовите на мечот со Динамо (З).
Големо изненадување направи Феенорд победувајќи го Баерн (М) со 3:0. Головите за домашните ги постигна мексиканскиот голгетер Хименез во првото полувреме и Уеда во самиот финиш на мечот.
Интер со голот на Лаутаро славеше со 0:1 во Прага, додека Селтик благодарение на автогол на Швајцарците го победи Јанг Бојс со 1:0.
ЛИГА НА ШАМПИОНИ – 7 КОЛО
Арсенал – Динамо (З) 3:0
1:0 Деклан Рајс 3′, 2:0 Каи Хаверц 67′, 3:0 Мартин Одегард 90+2′
Селтик – Јанг Бојс 1:0
1:0 Бенито (автогол) 86′
Феенорд – Баерн Минхен 3:0
1:0 Сантијаго Хименез 21′, 2:0 Сантијаго Хименез 45+10′, 3:0 Ајасе Уеда 89′
ПСЖ – Манчестер Сити 4:2
0:1 Џек Грилиш 50′, 0:2 Ерлинг Халанд 53′, 1:2 Осман Дембеле 55′, 2:2 Бредли Баркола 60′, 3:2 Жоао Невеш 78′, 4:2 Рамос 90+2′
Реал Мадрид – РБ Салцбург 5:1
1:0 Родриго 22′ , 2:0 Родриго 34′, 3:0 Килијан Мбапе 48′, 4:0 Винисиус 55′, 5:0 Винисиус 78′, 5:1 Бидструп
Спарта Прага – Интер 0:1
0:1 Лаутаро Мартинез 12′
Милан – Жирона 1:0
1:0 Рафаел Леао 38′
