Словенечкиот репрезентативец Цехте има скршеница на најмалку две ребра и по се изгледа за него ова Светско првенство е веќе завршено. Од Словенечката федерација вечерва ја потврдија информацијата од лекарскиот тим од клиничкиот центар во Загреб.
„Првите испитувања покажаа дека Цехте се здобил со скршеница на најмалку две ребра за време на мечот со Аргентина. Тој ќе остане под опсервација во текот на ноќта во Универзитетскиот клинички центар во Загреб, по што ќе бидат спроведени дополнителни испитувања за можни придружни повреди“, објавија од Словенечката федерација.
Ракометарот на Е. Пелистер најверојатно ќе биде заменет од некој друг ракометар од поширокиот список на селекторот на Словенија, Урош Зорман.
