Нашата ракометна селекција утре се среќава против репрезентацијата на Катар. Ова ќе биде петти меч за Македонија на ова СП 2025. Досега има една победа, две ремија и само еден пораз, оној со Холандија и тоа во еден контроверзен меч.
За утрешниот дуел со Катар, свое видување има и селекторот на нашата репрезентација, Кирил Лазаров:
“Катар имаше одлични натпревари на Светското првенство. Борбена селекција со многу натурализирани играчи кои прават разлика на теренот. Не очекува уште еден неизвесен натпревар. Очекувам уште еднаш да бидеме на високо ниво. Ќе видиме дали тоа ќе биде доволно за позитивен резултат”истакна селекторот Лазаров.
Како што е познато и овој натпревар, исто како и вчерашниот со Австрија, ќе се игра од 15.30 часот. Ова е меч од групата-2 од главната рунда.
