Конечно и Норвешка им донесе радост на своите навивачи во Осло. Вечерва, еден од ко-организаторите на ова Светско првенство успеа да слави во дербито против Шпанија со 25:24, откако пресвртот за победа го донесе во последните 5 минути од натпреварот. Шпанците во најголемиот дел од средбата беа во водство, но од 55. минута Норвежаните го презедоа водството и до крајот успеаја да дојдат до победа за први бодови во втората фаза.
Тобијас Грондал со 7 гола беше предводник на Норвешка до големата победа. Кај Шпанците Гарсианција постигна 6 гола.
Во вториот меч вечерва, Исланд не дозволи Египет да им се приближи во водството кое го направија уште во првите минути од средбата. „Рибарите“ со сигурна игра го приведоа мечот во своја полза и на крајот славеа со 27:24.
Кристијансон со 9 гола беше најефикасен на средбата.
