Тренерот на Реал (М), Карло Анчелоти вели дека доколку Манчестер Сити не успее да влезе во нокаут-фазата од Лигата на шампионите е една исклучително добра вест и за Реал, но и за сите претенденти за трофејот.
„Тоа би било одлична вест, затоа што верувам дека Манчестер Сити се уште е еден од кандидатите за повторно освојување на Лигата на шампионите. За шансите на Реал оваа сезона не се знае со сигурност. Само едно е јасно – мораме да го добиеме нашиот последен натпревар, а ова не е првпат за овој клуб“, изјави тренерот на Реал Мадрид.
