Македонската ракометна репрезентација денеска продолжува со натпреварите од главната рунда на Светското првенство. Селекторот Кирил Лазаров и неговите момци ќе ги одмерат силите против Катар, тим кој е предводен од Веселин Вујовиќ, добро познато име на македонската јавност.
И двете репрезентации одиграа драматичен меч на отварањето на главната рунда, со тоа што Македонија освои бод против Австрија со голот на Филип Кузмановски во последната секунда, додека пак Катар со звкукот на сирената прими гол за пораз од Холандија.
Двете селекции немаат голема традиција на одиграни меѓусебни мечеви, само еднаш се имаат сретнато и тоа на Мундијалот во Шпанија во 2013 година. Македонија ја доби оваа средба со 30-34, на полувремето имаше убедливи 13-21. И тогаш лидер во нашиот состав беше Лазаров, постигна девет гола.
Македонија на ова Светското првенство кое се играше со 24 репрезентации заврши на 14-то место. Единствени играчи кои од тој состав ќе настапат и денеска е искусниот репрезентативен голман Никола Митревски и Никола Маркоски.
Победа на оваа средба би можеле да го освоиме четвртото место во групата, иако ниту тоа не е сигурно, но нема да бидеме последно место во групата и би можеле да се надеваме на пласман од 13-16 место. Доколку Македонија пак освои пак бод тоа значи може да се надеваме на 19-21 место, а „најлошото“ сценарио би било од 21 до 24 место.
Крајниот пласман можеби најмалку важен, бидејќи нашите ракометари ги надминаа очекувањата, оваа нова генерација зад себе има серија на одлични мечеви, со малку среќа денеска ќе зборевме и за поголеми нешта.
“Катар имаше одлични натпревари на Светското првенство. Борбена селекција со многу натурализирани играчи кои прават разлика на теренот. Не очекува уште еден неизвесен натпревар. Очекувам уште еднаш да бидеме на високо ниво. Ќе видиме дали тоа ќе биде доволно за позитивен резултат”, истакна селекторот Кирил Лазаров.
Дуелот меѓу Македонија и Катар е закажан со почеток во 15:30 часот.
