Катар е денешниот противник на македонската ракометна репрезентација во рамките на главната рунда на Светското првенство. Веселин Вујовиќ за оваа средба го искористи правото да направи промена во составот, надвор од пријавените 18 ракометари. Тој нема да смета на третиот најдобар стрелец во својата репрезентација, лево крило Ахмад Мадади, кој има 12 гола на четири меча. На негово место ќе влезе Хамди Ајед, кој исто така игра на левата крилна позиција.
Најдобар стрелец во редовите на Катар е Кукабецот, Франкис Марзо, кој има 28 гола, тој засега е шести стрелец на овој Мундијал. Втор стрелец е Жарко Марковиќ е 18 погодоци.
Вујовиќ направи промена и на голманската позиција, на местото на Лепеница ќе влезе Ирфан Алихоџиќ.
Кирил Лазаров не направи промена, надвор од списокот на 18 играчи ниту за овој натпревар, кој стартува во 15:30 часот.
